Eolas

Cé na leibhéil scrúdaithe atá ar fáil faoi láthair?
An scrúdú cainte nó scrúdú scríofa é TEG?
Tuairim is cé mhéad uair an chloig staidéir atá ag teastáil chun caighdeán scrúdaithe a bhaint amach?
Cén chaoi ar féidir liom clárú do scrúdú?
Cén áit a mbeidh na scrúduithe ar siúl agus cén lá?
Cén t-am a bheidh mo scrúdú cainte ar siúl?
Cén uair a gheobhaidh mé mo chuid torthaí?
Cén marc is gá a bhaint amach chun pas a ghnóthú?
Nílim sásta le mo chuid torthaí. Cad is féidir liom a dhéanamh?

Moltaí

Treoracha d'iarrthóirí na scrúduithe
Tá roinnt ceisteanna breise agam mar gheall ar na scrúduithe

Cén leibhéil scrúdaithe atá ar fáil faoi láthair?

Faoi láthair, tá cúig scrúdú ar fáil. Tá na sonraí anseo.

Cuirfidh do mhúinteoir comhairle ort maidir leis an scrúdú is oiriúnaí don leibhéal cumais atá agat.

Tá páipéir scrúdaithe samplacha, scrúduithe cluastuisceana samplacha agus scrúduithe cainte samplacha do na cúig leibhéal le fáil ar an suíomh gréasáin seo.

Ar ais go barr

An scrúdú cainte nó scrúdú scríofa é TEG?

Déantar tástáil ar na scileanna teanga ar fad i scrúduithe TEG. Tá dhá rogha ag iarrthóirí:

(i) An scrúdú iomlán a dhéanamh agus creidiúint iomlán a fháil (léamhthuiscint, scríobh, labhairt agus cluastuiscint)

(ii) An scrúdú cainte amháin a dhéanamh agus páirtchreidiúint a bhaint amach.

SCRÚDÚ IOMLÁN

PÁIRTCHREIDIÚINT

Is féidir le hiarrthóirí an scrúdú cainte amháin a dhéanamh. Beidh leagan amach an scrúdaithe cainte mar atá mínithe sa ghreille thuas. Léireofar ar theastais na n-iarrthóirí a n-éiríonn leo sa scrúdú cainte, na marcanna a bhain siad amach sa scrúdú cainte amháin.

• Maidir le hiarrthóirí ar mian leo tabhairt faoi Bhonnleibhéal 1 (A1), moltar go mbeadh timpeall 80-100 uair an chloig caite acu ag déanamh staidéir ar an teanga / ag freastal ar ranganna. Maidir leo siúd ar mhaith leo Bonnleibhéal 2 (A2) a dhéanamh, moltar go mbeadh 80-100 uair an chloig breise caite acu ag déanamh staidéir ar an teanga / ag freastal ar ranganna.
• Maidir le hiarrthóirí ar mian leo tabhairt faoi Mheánleibhéal 1 (B1), moltar go mbeadh timpeall 350-400 uair an chloig caite acu ag déanamh staidéir ar an teanga / ag freastal ar ranganna.  Maidir leo siúd ar mhaith leo Meánleibhéal 2 (B2) a dhéanamh, moltar go mbeadh 150-200 uair an chloig breise caite acu ag déanamh staidéir ar an teanga nó ag freastal ar ranganna.
• Maidir leo siúd ar mhaith leo Ardleibhéal 1 (C1) a dhéanamh, moltar go mbeadh timpeall 1,000 uair an chloig breise caite acu ag déanamh staidéir ar an teanga / ag freastal ar ranganna.

Gach eolas anseo.

Ar ais go barr

Cén áit a mbeidh na scrúduithe ar siúl agus cén lá?

Gach eolas anseo

• Beidh eolas le fáil ar an fhoirm iarratais maidir le hamanna do na scrúduithe cainte. Cuirfear in iúl duit sa litir a chuirfear chugat coicís roimh an scrúdú, cén t-am go díreach a bheidh do scrúdú cainte ar siúl.

Ar ais go barr

Cén uair a gheobhaidh mé mo chuid torthaí?

• Gheobhaidh tú do chuid torthaí tríd an bpost idir 6-8 seachtaine tar éis duit an scrúdú a dhéanamh. Má éiríonn leat sa scrúdú, gheobhaidh tú do theastas go luath ina dhiaidh sin.

Athchomharc
Má tá iarrthóir ag iarraidh go ndéanfaí na marcanna a athsheiceáil is féidir é sin a iarraidh suas go dtí 14 lá tar éis eisiúint na dtorthaí scrúdaithe . Ní bheidh aon chostas ag baint leis seo. Déanfar torthaí na hathsheiceála a phlé le hiarrthóirí tríd an ríomhphost nó ar an ghuthán.

Má tá iarrthóir ag iarraidh go ndéanfaí an scrúdú a athmharcáil go hiomlán is féidir é sin a iarraidh suas go dtí 14 lá tar éis eisiúint na dtorthaí scrúdaithe. Gearrfar táille €35 air seo. Déanfar torthaí na hathmharcála a phlé le hiarrthóirí tríd an ríomhphost nó ar an ghuthán.

Treoracha d'iarrthóirí na scrúduithe

A. Le linn duit bheith ag comhlánú na foirme iarratais:

1. Déan cinnte gurb ionann d'ainm faoi mar atá scríofa ar an fhoirm iarratais agus faoi mar atá ar an chruthúnas aitheantais a bheidh ort a sholáthar lá an scrúdaithe
2. Má tá tú faoi mhíchumas, cuir é sin in iúl ar an fhoirm iarratais chun go mbeimid in ann na socruithe cuí a dhéanamh. Tá sé d'aidhm againn freastal ceart agus cóir a dhéanamh ar gach duine ar mian leis na scrúduithe seo a dhéanamh.

1. Ba cheart go mbeadh d’uimhir scrúdaithe faighte agat 10 lá roimh dháta an scrúdaithe. Mura bhfuil sí faighte agat cuir glaoch ar Ionad na dTeangacha: (01) 7083737.
2. Déan cinnte go bhfuil tú eolach ar na nithe seo a leanas:
   

1. Déan cinnte go mbíonn go leor ama agat leis an halla scrúdaithe a bhaint amach. Ba cheart go mbeifeá ag an halla timpeall 15 nóiméad roimh thús an scrúdaithe. Cuirfear léarscáil ar fáil duit, ach cuimhnigh má tá sé i gceist agat an scrúdú a dhéanamh i Má Nuad gur áit mhór í an ollscoil agus go dtógfaidh sé tamall ort áit pháirceála a aimsiú agus an halla scrúdaithe a bhaint amach.
2. Cuimhnigh nach scaoilfear isteach iarrthóirí atá déanach mar go gcuirfeadh sé sin as do dhaoine eile a bheidh i mbun an scrúdaithe.
3. BÍODH CRUTHÚNAS AITHEANTAIS LEAT A BHFUIL DO PHICTIÚR AIR. GLACFAR LE PAS REATHA, LE CEADÚNAS TIOMÁNA REATHA NÓ LE CÁRTA AITHEANTAIS NÁISIÚNTA REATHA. NÍ GHLACFAR LE HAON CHRUTHÚNAS EILE. Mura bhfuil cruthúnas aitheantais inghlactha agat ar lá an scrúdaithe, ní cheadófar duit an scrúdú a dhéanamh.
4. Ná déan dearmad den uimhir scrúdaithe a cuireadh chugat. Beidh sí ag teastáil le scríobh ar an pháipéar scrúdaithe.
5. Ba cheart fóin phóca a mhúchadh ar fad sula dtéitear isteach sa halla scrúdaithe. Ní leor an fhuaim a chasadh as.

1. Beidh ort málaí agus cótaí móra a fhágáil in áit faoi leith sa halla scrúdaithe. Tabharfaidh na feitheoirí treoracha duit.
2. Déanfaidh an feitheoir do chruthúnas aitheantais a sheiceáil agus inseoidh sé/sí duit cá bhfuil do shuíochán.
3. Ba cheart go dtabharfá pinn, pinn luaidhe agus a leithéid leat.
4. Cuimhnigh nach gceadaítear aon leabhar, aon fhoclóir ná aon pháipéar a thabhairt isteach sa halla scrúdaithe. Beidh ort gach freagra a scríobh ar an pháipéar scrúdaithe.  Cuirfear páipéar garbh agus pinn bhreise ar fáil, más gá. 
5. Éist go cúramach le cibé treoracha a thabharfaidh na feitheoirí.
6. Beidh cead ag iarrthóirí a chríochnaíonn an scrúdú go luath an halla scrúdaithe a fhágáil aon am ó dheireadh an scrúdaithe éisteachta go dtí leathuair an chloig roimh dheireadh an scrúdaithe iomláin. Ní bheidh cead ag aon iarrthóir an halla scrúdaithe a fhágáil le linn leathuair dheireanach an scrúdaithe.
7. Beidh feitheoir i do chuideachta má bhíonn ort dul go dtí an leithreas le linn an scrúdaithe.
8. Inseoidh an príomhfheitheoir duit nuair nach mbeidh ach 10 nóiméad fágtha den scrúdú.
9. Nuair a bheas an scrúdú críochnaithe, déan cinnte go bhfuil d'uimhir scrúdaithe scríofa ar gach leabhar freagraí a thabharfaidh tú do na feitheoirí. Fan i do shuíochán go mbeidh gach rud bailithe ag na feitheoirí.

1. Léigh gach ceist, agus na treoracha a théann le gach ceist, go cúramach.
2. Bí cinnte go leanann tú na treoracha sin. Mar shampla, má deirtear tic a chur i mbosca amháin, cuimhnigh nach mbronnfar aon mharcanna má chuireann tú tic in dhá bhosca nó níos mó. Má deirtear nár cheart ach focal amháin a scríobh mar fhreagra nó focal amháin a scríobh i mbearna, ba cheart duit cloí leis an treoir sin. Tá an chontúirt ann go gcaillfidh tú marcanna mura gcloíonn tú leis na treoracha atá leagtha síos.
3. Má bhíonn píosa le scríobh, cloígh leis le teorainn na bhfocal a leagtar síos.
4. Tabhair aird faoi leith ar an pheannaireacht le linn an scrúdaithe. Tá sé tábhachtach go mbeidh an scrúdaitheoir in ann do chuid freagraí a léamh gan stró chun go mbeidh sé/sí in ann caitheamh go cothrom leat.
5. Déan cúram faoi leith den litriú agus go háirithe de na nithe seo a leanas: sínte fada, lánstadanna agus ceannlitreacha.
   

1. Déan cinnte go bhfuil a fhios agat cá mbeidh an scrúdú cainte ar siúl.
2. Beidh d'uimhir scrúdaithe agus do chruthúnas aitheantais ag teastáil uait.
3. Seiceáil na treoracha don scrúdú cainte. Do scrúduithe A1 agus A2 is gá don iarrthóir bheith i láthair 5 nóiméad roimh ré chun ullmhú don rólimirt.
4. Cuimhnigh go ndéanfar an scrúdú cainte a thaifeadadh.